فجر جديد

مستنى ايه؟؟!
مستنى فجر جديد؟؟!
فجر جديد فين و امتى؟؟!
على البلد كان سعيد؟؟!
كان سعيد..امتى..؟!
يكونش قصدك أيام هارون الرشيد...
و لا أيام الخليفة اللى جاى أبو يد حديد...
يووه..ده أنت أملك بعيد...
ماهو أصل الحكاية......
حكاية ايه....
بس اسمعنى يا عمر....
اسمع مين....
عاوز أقولك انه...
يوووه هتقعد تعيد و تزيد....
تكونش فاكر نفسك مصطفى كامل
ولا محمد فريد....
ماهو الموضوع....
موضوع ايه....
ده أنت عندك خمس عيال...
و الكبير جاب لى حفيد...
و الوسطانية عايزة تشترى فستان جديد...
وداخل جمعية مع أبو أشرف و صدقى و عبد الحميد..
ادعى لى... أطلع الأول لحسن أنا ع الحديد....
تعرف... ياريتنى أرجع بلدنا فى الصعيد...
أهوه الدار هناك يساع الكل و يفيض....
كنا نقضى الليل فى كلام و حديث....
كنا بنفطر سوا الصبح فطير و بيض و سميط...
و فى المدرسة نترص طابور لجل ما نقول الأناشيد...
كنا بنلعب فى الوسعاية جنب النخل أبو جريد ....
و أما الحاجة...تزعق و تقول..يا ولد العب بعيد....
كنا نصلى...نصوم...ونزكى...
الله يبارك...الله يزيد....
يوم أكتوبر...أمى تزغرد
خير يا اما...
قالت... أخوك شهيد...

نمشيها خناقة على مصروف البيت

حد فيكو فاكر الجملة دى، اتقالت كتير؟!
الجملة دى اتقالت فى رائعة تامر حبيب (السيناريست طبعا) سهر الليالى،
أحمد حلمى قالها لخالد أبو النجا و كأنه بيقوله خلاص لو أنت مش عايز تواجه مشكلتك الحقيقية أنت حر،
هو احنا له ماعندناش القدرة على مواجهة مشاكلنا، مش بس كده ده احنا كمان بنديها نيك نيم،
فالرشوة تبقى كرامية و النصب يبقى شطار و فهلوة، ده على المستوى العام.
و حتى على المستوى الخاص كل واحد فينا أكيد عنده مشكلة ما و عامل نفسه مش واخد باله منها و يفضل سايبها لغاية مافجأة تضرب فى وشه زى عفريت العلبة،
يا جماعة لازم نواجه مشاكلنا لأن دى بداية حلها، هى صعبة طبعا، و الأصعب منها أنك تقدر تواجه نفسك بجد، أقولوكو حاجة؟
عايزين تعرفوا انتو ماشيين صح ولا لأ من غير ماتتصلوأ بخط الفتوى 0900 و لا برنامج المسلمون يسفسطون، يوم ماتقوم من النوم الصبح و تبص فى المراية و تحس أنك محترم نفسك أودام نفسك أعرف أنك ماشى صح،
سهل أوى أنك تخدع الناس و تبينلهم اللى انت عايز تبينه لكن أوعى تخدع نفسك
"هنا تكمن المصيبة يا سيدى اللورد" معلش حتة لغة كدة.... المهم نرجع مرجوعنا لازم كل واحد فينا يواجه نفسه و لازم يكون عندنا الشجاعة الكافية لده عشان نتنقل نقلة جديدة فى حياتنا و ده على المستوى الخاص يعنى على مستوايا أنا و أنت، أهم من المستوى العام والحكومة و الريس و الكلام ده،
كده؟ و لا نمشيها خناقة على مصروف البيت

اييه؟؟

رديت عليه..

هو كده مش عاجبك ليه...

ده حتى الدنيا حلوة يا بيه...

و السما بتمطر بانسيه...

حتى فريقنا فاز امبارح...

قول ورايا... هييه...

شفت الناس ازاى مبسوطة...

و هى قاعدة فى الكافيه...

شيشة و طاولة...

و دومينو يا ريس...

حتى الشاى بقى اسمه...

أوليه...

و الاتنين الجاى أجازة...

والحد هاخده كونجيه...

أوعى تصدق حد يقولك...

كانى و مانى...

ده أكيد ابن ايه...اسمع أخوك شعبولا

و قول اييه...

قوللى بذمة أمك...
أكتر من كده اييه...

وحدووه

دخلت الشادر، الناس زحمة أوى و لابسين حاجات مختلفة اللى لابس بدلة و اللى لابس جلابية و اللى لابس فى الحيطة و شيوخ و قساوسة و دعاة من اللى بيطلعوا فى الفضائيات و شخصيات عامة كتير أوى حد قريت له مقالة قبل كدة، حد شوفته فى توك شو، و ناس عادية، وشحاتين، لفت نظرى المنظر أوى، أول مرة فى حياتى أحضر عزا بالشكل ده،
المهم إن الناس اللى كانت قاعدة ماكنتش بتبص لبعض خالص، كل واحد فيهم فى عنيه نظرة اتهام للتانى و كأنه السبب، قلت فى قل بالى، أما قلة ايمان صحيح، الموت ده قضاء و قدر، الأخطر من كدة إن مافيش حد واقف ياخد العزا، فيه واحد مولع سيجارة هنا، واحد بيشرب فنجان قهوة هناك،
فى وسط الكلام ده كله لقيت مخرج من بتوع الفيديو الكليب المشهورين واقف مع رجل أعمال مشهور بردو بيتفقوا على مشروع قناة بورنو جديدة بس باشتراك، مشفرة يعنى و معاها Parental Control عشان مايصحش الأولاد يشوفو الحاجات دى طبعا،
المهم لقيت واحد بيبص لى باهتمام أوى و قالى تعالى يا ابنى قلت له: خير قال لى: انت مش عارفنى قلت له بصراحة: حضرتك شبه الريس جمال عبد الناصر الله يرحمه قال لى: أنا عبد الناصر قلت له: معقولة يا ريس هو حضرتك تقرب للمرحوم، قال لى قصدك للمرحومة، قلت فى عقل بالى: أنا شكلى جيت عزا غلط بس مش معقوله أبينله قلت له: هو حضرتك تقرب للمرحومة ايه قالى: أنا ابنها قلت له: و حضرتك ابنها الوحيد قال لى: بالعكس كل اللى انت شايفهم فى العزا دول ولادها قلت له: أمال شايفهم مش مهتمين قال لى: ماهى ماتت من الحسرة،
فجأة سمعت صوت غريب وى ناس عمالة تهتف باسم مصر و لقيت نفس الناس اللى فى العزا دو خارجين يجروا و رافعين علم مصر و بيهتفوا مصر مصر تعيشى يا مصر قلت لهم خير يا جماعة؟ قالوا مصر خدت بطولة أفريقيا النهاردة..........

توم اند بصل

النهاردة أو زى النهاردة من 28 سنة اتولدت (وانتوا طيبين الله يخليكوا)

عندى واحد صاحبى امريكانى اسمة توم مولود فى نفس التاريخ 21/1/1981

متخرج من كلية ادارة الاعمال (جامعة هارفارد)

وانا برضه متخرج من كلية التجارة (جامعة طنطا)

مش فارقه كتير يعنى........

توم عمل M.B.A

وانا كمان عملت M.B.A

توم راكب عربية JEEP 4x4

وانا راكب عربية مش 4x4

عادى برضه مش فارقه.........

توم بيلبس Timberland وانا كمان بلبس Timberland

توم متجوز وعنده بنت اسمها مونيكا (غير بتاعة كلينتون طبعا)

وانا متجوز وعندى حسين (ممكن يتجوزوا لما يكبروا...مفيش مشكلة.....أهو تكامل حضارات برضه )

توم عندة الBusiness الخاص بتاعة وبيكسب حوالى 300000دولار سنويا

وانا كمان عندى ال Business بتاعى وباكسب، صحيح مش 300000دولار لكن باكسب الحمد الله

توم بيسافر أجازات في هاواي....

وأنا باطلع الساحل ومارينا .....مش فارقه أوى يعنى

وزى ما عرفتكم أنى مواليد 1981 يعنى من يوم ما وعيت على الدنيا وكلمة رئيس بالنسة لى يعنى مبارك

اما بالنسبة لصديقي توم فكلمة رئيس أو President يعنى (ريجان أو بوش الأب أو كلينتون أو بوش الابن أو أوباما وتحديدا لأن توم انتخب أوباما فهو كان امبارح مع ال2مليون اللى بيحتفلوابانتخاب أوباما رئيس للجمهورية

المرة دى فرقت كتير يا توم وتكسب انت

وكل سنة وانا طيب ........قصدى وانا مبارك............................

متر الوطن بكام؟؟!

متر الوطن بكام؟؟!
وطن ايه!!
وطن يساع كل الاحلام..
وطن ياخد بايدينا لقدام....
وطن يحكمه فارس راكب على حصان..
وطن فيه النجوم..نجوم علم....
مش نجوم افلام.....
وطن لابنى وابنك....
مش اى كلام...
وطن محمد ومينا وعبد السلام...
وطن تمليك مش ايجار...
لا هو صحيح ....
متر الوطن بكام؟؟!....

حدوتة

كان يا مكان فى سالف العصر والاوان يحكى ان دولة اسمها فرعونستان نتجت من تحالف ثلاثة اقاليم (الاقليم الشمالى_استبدادستان)_(والاقليم الاوسط _بوليستان)_(والاقليم الجنوبى_ظلمستان) المهم ندخل فى الموضوع .
قصة شهيرة فضلت تحكيها الاجيال لللاجيال ان حاكم البلاد دى قرر انه يخلى رئيس الوزراء يعمل قرارات تخلى الناس تتضايق ويروح جاى الحاكم يلغيها فالناس تحبه ، المهم جاب رئيس الوزراء وبلغه بالكلام ده وطبعا رئيس الوزراء قاله تمام يا افندم تؤمرنى يا ريس تانى يوم الصبح : قرار من رئيس الوزراء بان اى حد يطلع على كوبرى اكتوبر ( تشابه كباري مش اكتر وبعدين اكتوبر ده شهر في الدنيا كلها )يدفع خمس جنيهات ، الناس عادى جدا بقت تطلع الكوبري وتدفع الخمس جنيهات فى غاية الانسجام ، الريس قالة جرى ايه يابنى ما حدش اتكلم ولا قال حاجة ، المهم رئيس الوزراء راح مطلع قرار انه أي حد ينزل من أي نزلة من الكوبرى يدفع عشرة جنيهات الناس عااااادى برده دفعت ولا حد فتح ده عن ده ، الريس قاله انت مش شايف شغلك ولا ايه أنا مش شايف حد معترض ولا حاجة ، رئيس الوزراء طلع قرار انه غير الخمس جنيهات اللى هتدفعها وانت طالع واللى العشرة جنيهات اللى هتدفعها وانت نازل كل واحد حياخد على قفاة ، وبردة مفيش اى رد فعل ياخوانا
الريس قالك مابدهاش ونزل بنفسه يشوف ايه حكاية العالم دى لقى الناس عادى تدفع وهى طالعة وتدفع وهى نازلة وتاخد على قفاها زى الفل محدش يقول تلت الثلاثة كام، لغاية ما اثناء تفقد السيد الرئيس للشعب لقى واحد سواق ميكروباص متضايق ويصرخ حرام عليكو ، خلصونا بأه ،راح الريس متوجة اليه مباشرة مالك يابنى قولى ايه مشكلتك وأنا أحلها لك ، قال له يا ريس قلتوا ندفع خمس جنيهات واحنا طالعين ok وعشر جنيهات واحنا نازلين زى الفل شغال بس باه يا ريس حكاية القفاة دى الريس قال له : ايوة مالها ؟
السواق : مالهاش يا ريس ولا حاجة بس انتو مخليين واحد من اليمين بس هو ال بيدى القفا يا ريت تخلوه واحد يمين وواحد شمال علشان السكة تمشى بدل العطلة اللى احنا فيها دى ......................................
عايز تقول اية : عايز اقول ان الفساد والظلم والاستبداد لايمكن يتوغلوا وينتشروا بالشكل ده إلا في وجود بيئة صالحة ومهيأة من السلبية واللامبالاة والخضوع انت فكرك فرعون قال انا ربكم الاعلى دى فجأة لأ طبعا هو الأول كان حواليه شوية ناس عمالين يقولوله يا جميل يا عسولة يا شخصية متتكرررش بسهولة لغاية ما الراجل صدق نفسه قاللهم اعملوا لي تمثال راحواعاملين واحد اده عشر مرات وحطوه في أكبر ميدان في البلد وبعدين سموا كل المشاريع اللى فى البلد على اسمه وحطوا صورته في كل حتة وخلوا كل الانجازات بناء على تعليماته وتوجيهاته وبعدين عملوا له قناع من الدهب وبعدين بنوا له هرم وبعدين لما مرة واحد قاله ربنا والكلام ده راح قاللهم : ما علمت لكم من اله غيري ، في الاخر قال بالفم المليان : انا ربكم الاعلى لدرجة ان فرعون لما كان يستشير هامان فى حاجة صعبة ويحلها هامان كان يقول لهامان: ياه هامان انت مخك ده ذرى عشان كدة انا تعبت أوى لما خلقتك.... (تخيل!!)، يعنى بالبلدى كدة لما قالوا يا فرعون ايه اللى فرعنك قال لهم ملقيتش حد يلمنى ....
ياناس ياناس يا مكبوتة ....هى دى الحدوتة ....... حدوتة ................كمل انت بأه

we e7n lesa fe ebtda2y....

west awra2y al adima..
elly lesa menha ba2y..
shoft sourty beyn zamyaly..
we e7na lesa fe ebtda2y..
al woshoush kant basita..
tahra lakan mesh 3abita..
nersm al a7lam 5arita..
fe albha no2tat tla2y..
hoa sa7by..
lma kan fe el donia sa7eb..
ama doul kano gerany..
koul wa7ad fena 7a2a2..
goz2 men ba3d al amany..
ama dy al shatra al balida..
al 3anida om al dafyer..
ad eah 7eznt 3aliha..
lma ra7et fasel tamy..
ma e7na kona ta5ta wa7da..
fe tania talt..
mara 2olt..
we heya 2alt..
lma madt edha shalet..
dam3a we23et ghasab 3any..
goh korast el 7esab..
kona lessa saf7a beyda fe el ketab..
al woshosh kant basita..
tahra laken mesh 3abita..
nersam al a7lam 5arita..
fe albha no2tet tala2y..
we e7na lessa fe ebtda2y..

ALI SALAMA

رسالة من تحت الماء

واحد صاحبى خد فى وشه و طلع انجلترا، مراته جاتلها بعثة دكتوراة راح طالع معاها المهم صاحبى ده كان ولد محترم أوى و ابن ناس و بصراحة سفره كان خسارة لمصر وليا أنا شخصيا ، المهم بعتله على الايميل مقال من مقالاتى)اللى همه اتنين أصلا) عشان اخد رأيه فيها و رد عليها وعجبته ( بس مش هوه ده الموضوع) ،

كتب لى فى الأخر بأنجليزيته المتقنة ( واد ابن ناس و مدارس لغات مش تعليم مجاني لا مؤاخذة يا رجالة )
( is there any hope? I hope!! )
الترجمة : هل هناك أمل؟ اتمنى ذلك
ماعرفش ليه وانا بترجم افتكرت المسلسلات المكسيكي المدبلجة (لقد رأيته اليوم في مزرعة دييجو والجو ده) المهم ماطولش عليكو و كتبت الرد التالى:

عزيزى محمد،

أرجوك لا تصدق الأقلام المغرضة التى تريد أن تظهر الجوانب السيئة في مجتمعنا. بالعكس احنا عندنا الظروف اتغيرت تماما لكن في حركة تعتيم متعمدة مقصود بيها الإساءة إلى سمعة مصر.

وزى مانت عارف يا محمد إن مصر هي أمي وأنا ماقبلش إن حد يسيء إلى سمعة أمي أبدا...

المهم طرأ على البلد تغييرات ايجابية كثير جدا منها على سبيل المثال لا الحصر إعلان السيد الرئيس عن انتخابات رئاسية مبكرة لسنة 2010 و عن تشكيل حكومة انتقالية تخيل مين وزير الأعلام فيها؟ إبراهيم عيسى، لأ عارف كمان مين وزير الشباب؟ عمرو خالد أما عن وزبر البحث العلمى فهو أحمد زويل وتعيين وزير العدل يحيى الجمل و حمدين صباحى وزيرا للخارجية ده غير ناس تانية محترمة كتير للحقائب الوزارية الأخرى.

بخصوص التعليم فكثافة الفصول وصلت إلى 10 في كل فصل والتعليم العالي اتطور بشدة بعد أن وصل الحد الأدنى لمرتبات دكاترة الجامعة إلى 10,000 جنيه وبدأت جامعات كالجامعة الأمريكية تعانى من قلة الإقبال عليها بشكل ملحوظ وده طبعا بعد ما دخلت كل الجامعات الحكومية عندنا في قائمة أفضل 500 جامعة على مستوى العالم،

النهاردة العيش البتى بان من أجود أنواع القمح المصري بيوصل كل يوم لحد بيتك من خلال مشروع االديليفرى للشباب المصري والأفران المتطورة برضه ملك شباب مصري ،

عندنا النهاردة في البلد أكتر من 200 حزب سياسي كلهم شباب، و كمان فيه مشروع القرض الحسن وده بيدى كل شاب قرض للزواج أو للعمل (يبدأ بيه مشروع يعنى)،

فاكر خالد الفئرى صاحبنا؟ دلوقتى عنده مشروع كبير جدا ومشغل عنده أكتر من 300 شاب،

المشكلة الرئيسية عندنا دلوقتى هي زيادة العمالة الإماراتية والخليجية بشكل عام لأن الخلايجة عملوا استثمارات أجنبية مباشرة في مصر والمصريين بقت مرتباتهم عالية عليهم فقرروا استخدام عمالة خليجية و إماراتية لأن حتى الهنود برضه مرضوش ييجوا بعد التحالف اللى مصر عملته مع الهند في صناعة البرمجيات،

أما السيد جمال مبارك فقد قرر إلغاء أمانة السياسات واتفرغ لجمعية جيل المستقبل لخدمة الشباب وأعلنها صراحة انه مش هيلعب سياسة تانى،

لازم تيجى يا محمد عشان تشوف اللى أنا بقولهولك ده بنفسك

والسلام ختام

المخلص

أحمد

انتهيت من مقالتي هذه وقريت إعلان طالبين رئيس تحرير لجريدة قومية رحت باعت السى فى علطول

Ahm 7aga fe ay ketab el mokadma beta3toh

.. دي مزكرات و كتبتها من ســنين / في نوتة زرقا لون بحور الحنيـــن / عترت فيها .. رميتها في المهمـــلات / وقلت صحيح أما صحيح كلام مخبولين

Sala7 Gahin

wa al naby ya basha ma to7tony fe el box

aktar 7aga ghariba bashofha al youmen dool ( 50d balek men aktar 7aga dy la2n tab3an fe 7agat ghariba keter ba2at bet7asal 7alwena hoa ana gebet seyrat al tawrith wala al ta3zib wala al mozhrat wa al kam3 al amny leha wala Ghaza ana oult 7aga men al kalam dah delwa2ty ma7slash),sa3adtek ana baklem 3an some social concepts entasharet fe el mogtama3 ka al nar fe el hashim( ma3lesh asly hamot wa akteb el expression dah men zaman ma3 eny mesh 3aref ya3ni eah hashim bas heya ta2raben el ash),3ashan ma7desh yeza3el menna wala ntgwaz el red lines ana batklem 3an ALTAGHIYEER ,Hold on a second ya gama3a ma3ya telephone( Alo ,meen ma3aya ,Aiwa ya basha,7ader ya basha,tamam ya basha,ana sa3adtek baklam 3an e7na naghyar men nafesna wade7 en sa3adtek al mawdou3 feih so2 fehem 7asal,mafhoum ya basha mafhoum men ghier ma agy le sa3adtak al makteb wala 7aga,wallahi fahem ya basha,to2mrny sa3adtak) ,Sorry ya gama3a mama kant ma3aya 3la el telephone we ento 3arfeen ahmiat ber el waldeen tab3an,al mohem nerg3 marg3ouna ya gama3a al moshkla elly ana 3ayez aklmokom feha heya mawdou3 el tasnif ou al stereotype ,en e7na ba2na ne7ot kol wa7ed fe box we no2uol dah mo3arda ou dah mo3arda bardo bas men ghir no2ta wa dah 3amil wa dah motidan wa dah fasek wa dy mesh mo7tarma wa dy mesh 3aref eah ,When you judge ,this is simply based on a certain situation,yeb2a ezay 7adartek 3ayez telkhas al ensan dah fe kelma wa7da keda wa bas khalas da anta wala sha3bola fe zamanoh,Let me give you an example ,ana maslan al 3abd al fakir ella allah ba7ab Gamal Abdel Naser gedan(7adrtek delwa2ty tab3an wesh keda oult dah nasry) ,we simulatenously ba7eb el e5wan ka 7arka seysia mo3arda( 7at20ul dah e5wan ,wa 7atbytna fe el mo3takal al nahardah),wa ba7eb sala7 Gahin ma3 enoh lma kateb ya teyr ya 3aly fe el sama toz feek kan asdoh 3la Abdel Naser allah yer7mohm gami3an,wa ba7eb a2oul al she3er fe el 7elween we el 7elow a2ouloh ya 7elow fi 3iyounoh 3la ra2y Mounir,ya3ni ma7sobak men al a5er bey7eb el 7elow elly fe kol 7aga ,te3raf delwa2ty to7tony fe BOX

Silence................................................

SOUT WA7AD BYTRAZA3 3LA AFAH O YOSRO5 WE EL NABY YA BIEH MA TO7TONY FE EL BOX!!!!!!!!!!!!!

BAS 5ALAS:)

asmiha eah?!

ba2aly fatra kabira bafkr eny akteb ,wa ba3din a2oul le nafsy akteb le meen ,hoa ana ya3ny anis mansour 3ashan 5alas ba2a el nas 7atmout we te2ra la7adraty ,we ba3din la2et kam wa7ed sa7by 3amlo blog we b2it ab3tlohem comments we beta3,we ba3din oult ma akteb ana kaman inshallah 7ata akteb le nafsy( momken 7ad you2ily enta leh betkteb 3arby be7rouf english ?besm allah al ra7man al ra7im el egaba tunis,loool,bay5a,la2 begad el sara7a el keyboard mafhoush 3arby wana till now mesh 3aref hakteb in English wala bel3arby wa 7akteb tany wala this is the last time,and am deeply sorry ya gama3a eny 7ar7moko men afkary el 5orafya,el mohem ya o5tshy 5elset men mawdou3 eny 5alas 7akteb wa agry 3la allah ,a3dt afker fe 3inwan lel blog oult asmiha eah,asmiha eah,asmiha 3aziza maslan 3la esm sety allah yediha el se7a we el 3afia aslha dof3et el rayes(el rayes met2al tab3an mtwdonish fe dahya),asmiha estba7a wa ba3din eftkrat en dah esm el 3amoud al yawymy beta3 bilal fadl fe el masry el youm(ou3a tekouno ma2rtoush le bilal abl keda,yeb2a faytko keteer),asmiha estmorning 7atb2a man70uta we momken etfham eny shab darib we beta3 drugs we el kalam dah( law 7ad into drugs ya gama3a fe 12 steps program a3raf nas meshit 3alih wa batalo we ba2o fola sham3a menwara 3la ra2y 3amr adib),asmiha eah ?fakret asmiha koshry ou kebda eskndarni ou mo5 banieh we be3din le tefktouny tefes wala 7aga(3la fekra ana on diet for 2 months,we mesh talba asmiha 7aga tegwa3ny kol shoya),El mohm eftkret mara kont tayeh fe el tari2 wa 3awez awsel le makan sherka fe el Ma3ady,sa2let wa7ed a2ly bos 50sh yemen fe shimal ,3ady 3 shawre3 7atla2y yaftet mamnou3 el do5ool 5ODHAWRONG wa kamal 3latoul,we tab3an toht akter,bas el 7aga elly 3al2t ma3ya hey 7ekyat 5odhawrong,hoa delwa2ty el 3ady en e7na na5doha wrong fe kol 7aga mesh fe el shawra3 bas wala eih!!!!!!!!!!wa kant hazih heya makalty al awla we robma al a5ira:)